2013年3月25日 星期一
最後3日
打, 打, 打..... 真係打到黎啦!!最後3日倒數, 返埋今日工就開始我既復活節長假,,
講真,,我真係緊張到爆廠, 個個問我緊張咩, 我又答唔出,,
去關島我都無咁緊張.......
發左幾晚惡夢, 有關於婚禮, 亦有d唔關事, 皮膚突然好差再加敏感,
上星期六敷左塊妝前保濕mask之後, 2面珠紅唒再加眼皮都腫埋,
如果29/3當日係咁,,我諗我會喊....我呢幾日只敢用蘆薈搽面, 再加枝急救安瓶, 明顯有改善!!
希望keep住!!
婚禮上既物資好似真係都搞掂唒, 無咩要再整,,,希望當日順順利利!!
聽日會全力執野再加去做指甲, 28/3 會出去拎衫加車野上酒樓. 買多枝安瓶以防萬一
訂閱：
張貼留言 (Atom)
加油呀!
回覆刪除盡量relax d...好好enjoy big day 呀!
我結婚當天, 除左註冊0個一刻讀誓詞的時候緊張d 之外, 其他每個moment 都好enjoy, 所以全日超hpyer, 好開心架!
relax...你咁靚, 當天實靚絶全港呀!
[版主回覆03/27/2013 18:17:35]多謝小欣呀!!!
我會好好enjoy!!
放鬆下啦，擺酒係一定緊張過關島架啦
回覆刪除始終關島搞得好唔好，都係得自己人知，香港擺酒有咩問題，就大把人話
relax下啦，有咩要幫手就出聲啦
[版主回覆03/27/2013 18:18:32]係啦,,一晚要應付咁多人,,我好驚呀!
加油加油!!!到時一定一齊順利~!!當日要好好Enjoy!!
回覆刪除[版主回覆03/27/2013 18:19:19]多謝emily!!我會盡力enojy!
你唔好咁啦, 你會搞到我都緊張埋~ 不過你放心, 我一定會全晚喺你身邊提住你要笑笑笑, 你所有嘢都搞掂晒, 冇問題架啦~
回覆刪除[版主回覆03/27/2013 18:21:02]哈哈哈,,我已經入唒作戰狀態,,後日見啦我地....
YUP...最緊要係放鬆心情，享受過程！
回覆刪除不用想太多，記得要笑！笑的新娘子是特別美的，但我相信你實做得到！
加油喔 ~ 真的，別要太緊張，好好ENJOY ~
[版主回覆03/27/2013 18:22:06]多謝小高,,我會盡量放鬆,,放鬆再放鬆!
但真係不能想像329咁快就到!!
想問下你知急救安瓶係邊度買???乜野牌子同幾錢???
回覆刪除因為我覺得自己會同一情況
[版主回覆04/05/2013 13:07:29]我係袁彌明個間生活百貨買架,,佢有好多安瓶揀,,,我買$80/2ml
不過真係work!!
祝你一齊順利！唔好咁緊張呀！！
回覆刪除[版主回覆04/05/2013 13:07:08]多謝多謝,,話咁快就完左啦,,好唔真實!!