簽名筆完成!

距離3.29已經愈黎愈近..時間已經唔容許我再拖..TABLE
NO.已經有人認投左,
MENU DESIGN亦已見曙光, 印就得啦,
淨低簽名筆我已經丟低好耐,繞完絲帶放埋左一邊好耐,上星期六趁得閒就的起心肝整整佢!


首先預備左4個小發泡膠波, 之前研究左好耐整咩樣,個立體英文字我都未挑戰到,咁就先整2個小花球做裝飾先

1. 先將小發泡膠波一分為二,平面位置痴上一塊卡紙,

2. 把小花剪短莖部插入兵兵波,用牙籤刺落位置作記號

3. 預備熱溶槍,唧在小花底部再插入已有牙籤孔的位置上,如是者貼完所有花之後就成了小花球

4. 筆就先用絲帶卷好,頭尾可用熱溶槍固定

5. 把膠水唧在發泡膠波的卡紙上,切記不可直接唧在發泡膠波上,會熱溶的

6. 固定花球位置及綁上絲帶即成

我可是十分滿意這個DIY的, 只係手腳慢,用左成2,3粒鐘時間
下星期再完成埋餘下2枝!