final confirm @charming image-家人篇

好啦, 講完進度講返家人衫先, 繼續表揚irene, 呵呵
話說未來家姐一早已有心水, 去到再揀左2-3條黎試,
最後一致通過以下呢款, 我覺得好靚呀!隻色好好睇!

之後就到伴娘小姐-我妹試啦, 佢好似無咩心水咁,
irene就行上行落咁拎d款俾佢睇, 試左5,6之後就終於決定下面個款, 隻色一樣好好睇!不過唔記得影佢相, 唯有上網cap圖,


2件eg都好靚, 又唔會撞色, 佢地又著得靚靚,我都好開心!
以下就講媽媽衫啦, 無錯佢係好多衫, 亦有好多款, 不過就難揀d, 又多人!我地book左5點鐘去試, 準時到達, 不過上一個時間既人未揀完, ok, 咁安排左我地睇相先
mark左幾個號碼俾佢-amy!!呢個人可惡之極!到5點半到開始試, 黎料啦! 佢一黎就問我地想試咩款
我話一早俾左你喇. 之後又叫我地埋架揀, 揀完再拎俾你,事實上間野係同時起碼有2,3家人睇緊, 講緊間鋪係幾十尺地方,都唔知點埋架揀
好啦唔揀叫佢拎, 我媽係想揀旗袍款既, 試左2條就問佢仲有咩款推介, 佢竟然答我係呢d架啦, 都係呢d款咋
大佬, 旗袍都有分有袖無袖, 有領無領, 開唔開''差, 唔同顏色'下話, 咩叫係呢d款呀!!!!!!!!!試左一條佢又話呢條咪好睇, 你係著呢d架啦, 想我地拿拿聲決定咁, 真係好嬲!試多2條就叫佢拎返上次hold個條出黎比較下, 佢竟然話'媽咪無得轉款架喎,  我以為你加租咋!'我當堂火都黎埋, 係幾個月前我帶媽咪去揀走既時候佢已經講左一次, 我話不如你睇清楚張單先啦,寫到明有轉一次, 佢係咁話無可能, 我唔知你地公司制度係點, 總之我張單既offer係有, 你就睇清楚單先做野
最後我媽咪係無轉到款,依然揀返件淺粉色旗袍

最後到未來奶奶, 佢就想試晚裝款既, 最後揀到條銀白色閃閃既eg, 好靚架, 不過我地企左出面都唔記得影相, 類似下圖
不過絕對唔係圖中的肥師奶,  2位媽媽身型都好fit, 2個都著得好好睇

終於完全左揀衫既任務啦, 無1個撞色, 各有各靚,太好啦!

總結暫時charming image都係唔錯既vendor, 係個媽媽衫個邊d sales差d!!

因為我地聽到係我地上一個時間試既客人都不斷有怨言, 真係要好好改善下!!