Shirley 's Blog: 6月 2013

2013年6月17日星期一

3.29 大日子の外影篇

我地斟完茶就落街食LUNCH先, 著住套褂落街會好多人望住你之後同你講恭喜!
感覺好搞笑好開心!真係搞喜事心情都好D!
原先係打算著婚紗返中學影相的, 因為好鐘意套婚紗,,想影多D相,
不過到329前個幾日落雨落到9屎咁,,費時整污糟婚紗影響晚宴,所以打消左念頭,
328個日擺唒D衫係酒樓,淨係拎褂返屋企都幾方便!

不過著褂返學校影又別有一番風味,,我覺得都影得幾好,
我同趙生中二就識, 2個月之後就拍拖, 雖然我地中間有分開過, 不過最終可以行到呢步其實好開心
大大話話10幾年既感情, 當初真係無諗過可以行到今日,
希望我地可以繼續相親相愛啦!

講左好多廢話,,都係睇相啦去!

2013年6月14日星期五

3.29 大日子の早上篇

我終於捨得動手分享返3.29當日既情況啦, 諗返都真係好感恩當日一滴雨都無落!
所有野都好順利完成!真係真係好完滿

個朝化妝師belinda一早8點幾就到左我屋企幫我化妝, 攝影師團隊都好準時10點前已經到左, set好唒架餐準備開工,
家人姐妹都陸續到達, 小寶先影d花絮,我隻寶貝喵又竟然唔驚無呢埋, 任人影, 俾佢搶唒鏡個朝,哈哈哈
帶左頭箍超可愛!!

套褂當日著起都好sharp,好鐘意!!

同belinda合照, 當日既造型我全部都好like!而且仲可以用左好多唔同既鮮花!

大家可能會有疑問點解我既姐妹團會咁少, 因為當初只打算擺10-12圍, 諗住唔使搵6-7咁多,
但最後我又加到20圍,哈哈,好彩佢地當日好好, handle得唒d野, 我個日連個婚禮file掂都無掂過

趙生黎到啦, 緊係要裝下身先啦!

一路玩遊戲都聽到好大聲笑, 勁想開門睇,後黎睇返video真係笑爆咀!
玩完就係時候交贖金啦!

又講左一輪呢世都要做牛做馬聽唒我話既時候, 我終於可以出黎同大家見面啦!=P

斟完茶緊係影張大合照!

搞掂可以出門喇!

我架黃色開薘beetles,好靚!! 婚後有一日係尖沙咀都見到佢既蹤影,好掛住佢呀!

順利到達男家都係一輪斟茶時間

完成之後去左食個lunch就出發去外影啦!

2013年6月4日星期二

華欣 day 4 - 返hk啦!

黎到最後一日, 其實已經無行程, 因為我地搭6點幾機, 1點幾就要係華欣搭車返曼谷,
所以起身食個早餐, 執下野, 再出左1個鐘town作最後衝刺

check out前緊係要影多幾張相, 你睇下個天幾大舊烏雲!

黎到日日見到既小喵

走啦走啦

唔計打風停電黎講,我俾呢間resort 95分的! 另外因為酒店早餐buuffet無咩野食揀,,所以扣左少少,,haha

搭足咁多日既shuttle bus

出左正盛食lunch, 食唔到晚餐,下次一定要食!

去完關島愛上左雞蛋花

又變返好天啦,拜拜華欣

離開華欣既時候都發左一個小插曲, 因為我地要搭返3個鐘既車程返曼谷,
我地上左車15分鐘就去左入油先, 趙生就落車去買可樂, 司機又落左車去俾錢之頖,
得我一個係車, 我就開左門抖下氣, 突然有一下好大聲'bon', 之後架車底開始出煙, 有味
我即時反應竟然係山車門而唔係走落車, 諗返都幾白痴..趙生即時令轉頭望住我係架車到,
想走返埋黎, 對望左幾秒, 我個腦即時諗爆炸我實死緊, 好彩幾秒之後又無事,散唒d煙,
司機同趙生都衝返埋黎拯救左我, 唔知佢架車熱得滯定咩事..之後我地無換車就直接坐返佢走, 一路都膽戰心驚!

事後同趙生講返真係爆炸咁點算,,佢話佢個陣都諗唔到野,
有時意外就係咁, 生命真係好脆弱, 我地真係要好好珍惜生命, 珍惜我地身邊每個人!

華欣蜜月 day 3- shopping day

話咁快就黎到第三日,講返尋晚返酒店沖完涼就訓, 訓到半夜好嘈, 係打風咁既聲, d樹係咁吹,
因為我地間villa出面有好多樹, 我帶返眼鏡出去望下,打大風呀,,D野吹到歪唒,
之後達返上床半粒鐘到, 突然聽到啪一聲,,全屋靜唒,,我勁驚..即刻推醒趙生,
全屋電停唒, 無燈無冷氣, 焗到痴線, 即刻打出COUNTER問咩事
佢話全個華欣落大雨, 唔知吹林左咩搞到個區停電, 真係黑仔到暈呀!
之後都訓唔返, 磨到6點幾出去食早餐, 食完野唔想返房, book左shuttle出town,
返房換完衫準備出去, 點知又突然m到..勁down..無得游水啦..

出到去天都光唒, 完全唔似打風黎, 話說當日係13/4, 係泰國新年- 潑水節,
所以當日天氣全日都勁好, 真係好好彩, 個日全日都會見到路邊有人裝個大水桶見人就潑,
好多外國人都參與其中, 而且好enjoy!