升呢做舅母!

登登登登!!千呼萬喚歐陽bb終於係16/9出世!!

好可愛既bb女!!我既小姨甥,我要做舅母啦!

我要做model

話說我有朋友剛剛開始學完新娘化妝, 而家草緊相開page,

所以搵左我去做佢model, 我仲認識左著名攝影師ming yung同化妝師rose,

再次著起婚紗晚裝真係好開心!!

呢d款都係我之前想揀但無揀到既款,

今次真係還左我一個心願呀, 著起都唔錯呀!haha

 

 

 

 

 

 

 

 

 

 

開BLOG大吉

終於捨得搞搞個新BOLG,真係唔係幾識用呀!
搞到homepage都搞勁耐,不過而家總算都見得下人,
我會繼續update我既人妻生活啦~~~

新blog址

大家好啊!!!
終於捨得動手整個新blog,粗粗地頂住檔先啦,,
至於back up真係要搵日有心情先整,,haha
http://shirley411.blogspot.hk/
歡迎大家繼續update我最新近況呀!

yahoo好麻煩!!

好煩呀yahoo,無啦啦又要摺左個blog, 搞到我都唔知點!
想繼續打又唔想打中間, 唔想同d blogger斷左聯絡
我見有幾位已經轉左去google個blog繼續,
其實我都開左個a/c,,但我唔識用呀救命!!

搬BLOG了!!

估唔到YAHOO BLOG都要摺!....
我正打算打新BLOG架麻, 都無心情打啦!
呢到又要慢慢適應返啦!

3.29 大日子 の 神秘驚喜 + 敬酒 + 送客篇

上回講到入左席坐低食左塊乳豬皮又話要起身換衫, 聽人講得多新娘全日都唔使點食野,講真諗返個日好似食完LUNCH到夜晚點幾2點返到屋企先飲返啖燕窩羹, 真係癲!
換完衫出黎之後就坐低就播返我地係關島條註冊片段,hoho,好浪漫呀~睇完趙生突然起身走上台講野, 原來佢夾埋兄弟姐妹拍左條片祝我地新婚快樂,真係好感動又好好笑!當片段去到兄弟姐妹講完既時候我以為完架啦, 但竟然出現趙爸爸身影講野, 個下真係勁驚訝,搞到咁大既,,連屋企人都有份!!?!? 跟住落黎趙爸,趙媽, 趙家姐+姐夫, 關爸,關媽,關細妹都輪住講,最後緊係到趙生啦!!真係好感動架 趙生話因為知我籌備過程好辛苦, 所以夾埋佢地成班俾個驚喜我!好多謝佢地咁好送左個好美好既回憶俾我!!愛屎我既家人朋友!
事後講返原來岩岩去到酒樓準備既時候, 佢地隻碟突然play唔到, 大家都驚緊既時候, 趙生再次發揮佢無比高既EQ,好冷靜地叫個兄弟T試下拎去先達鋪頭到轉檔睇下得唔得, 因為兄弟T係先達返工,所以個兄弟T係失蹤左成粒鐘
佢地好擔心佢會返唔切黎切蛋糕我會問東問西, 佢地仲話我其間真係有問過兄弟T去左邊,,之但係我自己諗返完全無印象問過,HAHA

完左驚喜我又唔記得講返多謝大家,,淨係笑同喊...真係失禮唒!!之後就開始敬酒 酒樓姐姐一路幫我拎住裙尾驚踩到,又大大聲叫飲杯, 加分!

之後跟係要同返四大長老飲返杯啦,




跟住落黎就自由時間,各自去唔同朋友堆影相傾計, 因為我唔使換多套衫,多左d時間可以每圍吹下水,
呢個時候覺得自己好似明星, 行2步就有人捉住你影相,嘩哈哈哈!!
趙生呢個時候就俾d同事隊緊酒,  聽返個晚佢地話淨係個圍都飲左十幾枝紅酒,

我可愛到不得了既kitty框!當日下晝其實無人留意到佢地,到我地拎左上台影相,佢就突然好受歡迎,haha




送客啦,,,趙生已經wing左,,好好笑!

最尾黎返張合照先,329就咁完滿結束啦!!yeah!

 

3.29 大日子 の march in 篇

終於黎到march in啦, 即係代表我既晚宴正式開始!
係幕出面等緊既時候,金都國宴既姐姐好細心幫我鋪好裙尾, 教我點行,提我笑
一路等一路睇返我既成長片段,已經開始好感動!
我進場音樂係揀左kelly chen既love paradise, 一路慢步入去聽到好多歡呼聲,
其實係開心多過緊張, 上到台講一輪野,我事前係諗好唒講咩,不過少不免


假蛋糕都切得咁開心


開左泡泡機,不過效果唔夠澎湃,係我婚宴一個小遺憾黎的!


影相時間, wg係我大愛, 好想著耐d!

 

呢2張係snap黎, 我覺得幾特別, 有別一般sweet sweet feel,都唔錯呀!

3.29 大日子 の 席前篇

最近工私兩忙,返工都唔得閒偷懶打下BLOG, 放假又出下街, 完全無時間UPDATE下,
趁住而家煲緊湯爭取時間UPDATE下先,

話說影完外影就出酒樓啦, 上到去兄弟姐妹幫手SET野, 我就坐定定轉造型,
趙生係呢個時候都好忙碌, 我個陣都唔知佢搞緊咩, 原因係咩下回分解
席前多數都係D企定定斟茶合照相, 我就唔多POST啦, POST D SNAP一齊欣賞下啦

其實結婚擺一次酒要準備既野好多, 唔想SIDE錢俾佈置公司就要自己辛苦D搞埋佈置既野,
準備過程真係聽過唔少冷言冷語, eg,'整黎做咩呀,,邊有人會留意JA', '搞咁多做咩呀,拎黎搞架!'
even我同朋友分享整個logo貼紙係帖封,佢同我講最憎撇貼紙,撇到爛唒!' 我真係o左...
過程真係辛苦D都無計, 但事後出黎既相真係覺得好值得, 每一樣野都出自自己, 雖然不足,但我自己真係好滿意!
所以真係要堅持!無人明唔緊要, 最緊要自己鐘意!

指模畫係臨時加既IDEA, 淘寶最EASY!

簽名筆真係大愛, 但聽講個日唔夠墨水簽唔到, 不過睇下都覺得靚!
執野想留返枝紀念的..不過唔知俾人執左去邊,,無緣再見




我對氣球公仔好似打風咁企唔穩,HAHA


TABLE NO.同MENU我都大愛, 有KEEP起留念!




我個結婚蛋糕真係靚!不過我無得食!

 

搞到成8點咁滯都未斟得唒茶, 要準備戲肉,換衫MARCH IN啦!

3.29 大日子 の 外影篇

我地斟完茶就落街食LUNCH先, 著住套褂落街會好多人望住你之後同你講恭喜!
感覺好搞笑好開心!真係搞喜事心情都好D!
原先係打算著婚紗返中學影相的, 因為好鐘意套婚紗,,想影多D相,
不過到329前個幾日落雨落到9屎咁,,費時整污糟婚紗影響晚宴,所以打消左念頭,
328個日擺唒D衫係酒樓,淨係拎褂返屋企都幾方便!

不過著褂返學校影又別有一番風味,,我覺得都影得幾好,
我同趙生中二就識, 2個月之後就拍拖, 雖然我地中間有分開過, 不過最終可以行到呢步其實好開心
大大話話10幾年既感情, 當初真係無諗過可以行到今日,
希望我地可以繼續相親相愛啦!

講左好多廢話,,都係睇相啦去!