DAY 2 -PART B

上回講到食完LUNCH,之後返房訓左粒幾鐘就出動啦!關島真係好靚,
唔好浪費時間, 出去睇多d靚境影多d靚相
我地第1個景點就係我地book唔到既blue aster,
沿住沙灘行10分鐘到就到, 好靚呀!藍+白真係最靚既配搭
我發覺我媽真係好cute, 同我地一齊跳


雖然唔可以係到行禮, 但留影在所難免

影影下就日落, 好靚


影完就行返酒店搭shuttle出去啦,去左好多人去既Capricciosa, 我地去左DFS附近個間,等左45分鐘, 其間去左ABC行下,睇定有咩手信好買
以下就係我地10個人食既野,,好飽呀!不過真係好好味!

一行10人, 真係好開心,好感動!

食飽就行左陣DFS, 零收穫,我已經極眼訓,之後返到酒店又出左K-MART買水,
返到房我真係涼都無沖就即訓...真係好攰既一日
第2日就係12.12.12,  終於到啦

關島day 1 & day 2 -part A

10-12-2012 DAY 1

我地關島之旅係5日3夜, day 1係夜機出發, 我個日其實好忙..原先應該係unun腳等出發的!
話說我既寶貝喵係前一晚11點幾整親, 隻右手腫鬼左加行路遞起唒隻手..
但又唔見佢痛苦地叫就無去急症,第二朝一起身帶佢去睇醫生,
好彩醫生話無斷,打左枝消炎針就走得,
返到屋企抖左陣又落街食下午茶,買埋枝蘆薈就返家就最後整理,

6點半就出發啦, 係搭巴士其間我心情係極度忐忑..驚漏野, 不過我確實漏左個花環唔記得帶...saddddd
8點到機場先check in, 不過如我所料都無得一齊坐,
原因係點解我都唔想提, 激心死!!
準時2325起飛, 無任何delay, 上機一刻心情複雜,,終於終於齊人出發了!!

不過好唔好彩我係坐機尾廁所位..5粒鐘不停呯呯啪啪, 完全訓唔到.
飛機餐都無咩特別, 我淨係食左個生果盤..haha

 

一到關島就感受到關島既天氣, 真係好清新, 好正!!
可惜係我地無join local tour, 要返酒店等watabe黎接我地去搞legal wedding,
我地住既係fiesta, 環境係一級棒!!!!!!!可惜房間內在就唔得了, 趙生媽媽房間仲有瘙tim呀!!
拖住超疲累既身軀出發去簽紙,等等等, 感受到12.12.12既威力, 好多人..仲要全部都係香港人!!
簽完紙就返watabe做fitting, 之後就返酒店, 行左去pic對面食個lunch先check in
趙生趙太係關島第一餐,都ok好食, us20, 唔算貴!


part B下回再

we are back!

halo!!!! Mr. Mrs Chiu are back!!!
12.12.2012關島婚禮完滿落幕了!
等左一年多既時間, 5日過得好快, 我仲未回魂,
好掛住關島所有野, 藍天, 白雲, 椰子樹, 每一間好靚既教堂
 俾d時間我整理d相, 我會盡快同大家share我個wedding trip架

餅卡diy

haha,,,一次過update 3篇先!唔係有排打返,,,出發前講唒, 返黎就可以share靚相啦
之前係花園街買左個蝴蝶punch諗住唔使印囍字咁單調,
擺左一段時間都未捨得開工, 早兩星期終於搞掂張床就的起心肝整整!
效果好滿意, 只不過真係搵個男人幫快好多, 真係都要幾用力
吸完我仲痴左粒水晶上去, 靚唒
仲有個相架等緊我....我會努力!

新房全面睇

房間終於能夠係12月前完成, 實在係非常高興既事,
可惜最係傢俬公司做細左床下底擺野個位,我一早講清楚我係要預位擺喼
俾唒尺寸佢做都可以做細左, 真係唯一不滿既地方!!

先睇睇返張設計圖先

一砌出黎個樣已經好靚仔

即刻擺返盞kitty台燈先!

間房油左淺綠色, 現場睇好光猛,岩唒!

床頭板close up, 貓貓床單好靚

好靚既花花手抽

床尾擺電視,超fit, 趙生已經晚晚打機唔捨得訓, 到時我會落禁令!!唔準嘈住我訓!!

間房整好真係靚左好多,又好似大左!

到啦到啦!!

終於終於到數一星期啦, 下星期今日應該已經係watabe office執緊個樣,
心情其實有d忐忑不安, 因為事前有發生過不少意外, 不過都已經解決唒!
希望平平安安順順利利咁完成閞島之旅!
行程都大概諗到, 最緊要影多D靚相返黎同大家share!等我呀